تبلیغات
ღღهوادارانღღtraxtur - Urmu DaniziM

ღღهوادارانღღtraxtur
 
ღღ.:یاشاسین تراختورღღ.:.ღღیاشاسین آذربایجان:.ღღ
چ

محل درج آگهی و تبلیغات
 
نوشته شده در تاریخ دوشنبه 31 مرداد 1390 توسط صابر

یالواردیم قوروما اورمو دنیزیم !

 

ساشدی قولاغیمی آجی بیر خبر :

 

« اورمو قورویور ، اورمو دنیزیم »

 

اؤزومو تله سدیم یئتیردیم اونا

 

یالواردیم قوروما اورمو دنیزیم !

***

دوز – توپراق گؤزومو یول چكدی گؤردوم

 

شپه لر سوراغین ، یئللردن سوردوم

 

ذنیزی گؤرمه یه اؤزومو یوردوم

 

یالواردیم قوروما اورمو دنیزیم !

***

داشلاندی گؤزومدن اوشاقلیق چاغی

 

دنیزین بؤیرونده او زنبیل داغی

 

بیر یاندا سرگیلی اوزوملر باغی

 

یالواردیم قوروما اورمو دنیزیم !

***

جومولوب لپه لر قوینون اویاردیق

 

گمینین سسینی اوزاق دویاردیق


چیممه یی یورولوب ، هئچ بیر دویاردیق ؟

 

یالواردیم قوروما اورمو دنیزیم !

***

ایستینی باتاردیق سرین لیینه

 

شورلوقدان جوماردیق درین لیینه

 

اؤزلمر او چاغین شیرین لیینه

 

یالواردیم قوروما اورمو دنیزیم !

***

اوخوردوق دریادا وار دریالیقلار

 

شورویدون ، یوخویدو سنده بالیقلار

 

جوشاردیق بایراقین داغ دالغالیقلار

 

یالواردیم قوروما اورمو دنیزیم !

***

پخنلر ، لجنلر دردلره درمان

 

قومونو قویلانان بولموش یئنی جان

 

خسته لر هله نی گؤزلور قالاسان

 

یالواردیم قوروما اورمو دنیزیم !

***

دوغرانیب كسیلیب قولون – قانادین

 

تاتووو ، باراندوز همده جیغاتین

 

بیچیلمیش دالغالار ، شاهلانان آتین

 

یالواردیم قورما اورمو دنیزیم !

***

ایندی ساحیلینی روزگار لار گزیر

 

دالغاسیز قئیینی دوز تیكان بزیر

 

كؤچه ری قوشلارین باغرینی ازیر

 

یالواردیم قوروما اورمو دنیزیم !

***

بئله سورسه دوزلاق اورمونو اودار

 

زمیلر ، باغلاری شورانلیق بودار

 

اوزانان دوز شالی بوینوموزا دار

 

یالواردیم قوروما اورمو دنیزیم !

***

دنیزیم قوروسان دایانار قانیم

 

قورویار اكینیم ، باغیم ، بوستانیم

 

چؤل قالار یام – یاشیل آزربایجانیم

 

یالواردیم قوروما اورمو دنیزیم !

بر گرفته شده از وبلاگ:http://www.marjanbdt7105.blogfa.com/





طبقه بندی: تراختور، 
.: Weblog Themes By Pichak :.


تمامی حقوق این وبلاگ محفوظ است | طراحی : پیچک